به‌غدا مووچه‌ی 4 مانگی پێشمه‌رگه خه‌رج ده‌كات
K24- هه‌ولێر:
ناسر هه‌ركی، ئه‌ندامی ئه‌نجومه‌نی نوێنه‌رانی عێراق له فراكسیۆنی پارتی به كوردستان24ی راگه‌یاند، به‌غدا مووچه‌ی 4 مانگی رابردووی هێزه‌كانی پێشمه‌رگه خه‌رج ده‌كات.
ئاشكراشی كرد، وه‌زاره‌تی به‌رگریی عێراق نه‌یتوانیوه مووچه‌ی ئه‌م 4 مانگه‌ی پێشمه‌رگه بدات، له‌به‌ر ئه‌وه، خراوه‌ته سه‌ر وه‌زاره‌تی دارایی و له‌گه‌ڵ مووچه‌ی فه‌رمانبه‌رانی هه‌رێمی كوردستان ده‌درێت.
ئه‌و ئه‌ندامه‌ی ئه‌نجومه‌نی نوێنه‌رانی عێراق گوتیشی: "عادل عه‌بدولمه‌هدی واژۆی له‌سه‌ر ئه‌و بڕیاره كردووه و مووچه‌ی پێشمه‌رگه له یه‌كی كانوونی دووه‌می ئه‌م ساڵه‌وه خه‌رج ده‌كرێت".
H.B