لە سلێمانی بەھۆی رووداوێك كادیرێكی پارتی گیانی لە دەستدا
K24 - سلێمانی
پەیامنێری كوردستان24 لە سلێمانی رایگەیاند: "لەكاتی ئامادەكاری بۆ ساڵیادی دامەزراندنی پارتی دیموكراتی كوردستان، رووداوێكی ھاتووچۆ لەو شوێنەدا روودەدات و لە ئەنجامدا كادیرێكی پارتی گیانی لە دەستدا".
عەتا شێخ حەسەن، گوتەبێژی ئەنجوومەنی سەركردایەتی پارتی لە سلێمانی- ھەڵەبجەی بە كوردستان24 گوت: "شەوی رابردوو لەكاتی ئامادەكاری بۆ ساڵیادی دامەزراندی پارتی كە ژمارەیەك كادیر سەرقاڵی ھەڵواسینی پۆستەر و ئاڵا بوون، دوو ئۆتۆمبێل لە نزیك ئەوان خۆیان پێكدا كێشاوە، یەكێك لە ئۆتۆمبێلەكان كۆنترۆڵ لەدەستداوە و خۆی كێشاوە بەو شوێنەی كە كادیرانی پارتی لێی سەرقاڵی ئامادەكاری بوون، لە ئەنجامدا كادیرێكی ناوچەی سەرچناری پارتی گیانی لە دەستدا و كەسێكی دیكەش برینداربوو".
گوتیشی: "رووداوەكە لە نزیك باڵەخانەی پارێزگای سلێمانی روویداوە و لێكۆڵینەوە لە رووداوەكە دەستی پێكردووە".