پارتى و گۆڕان له رێگهى دوو ليژنهوه پرسى پێكهێنانى حكومهت يهكلا دهكهنهوه
K24 – ههولێر:
دواى كۆبوونهوهى نێوانيان، ههريهك له پارتى ديموكراتى كوردستان و بزووتنهوهى گۆڕان راگهيهندراوێكى هاوبهشيان بڵاوكردهوه.
له راگهيهندراوهكهدا هاتووه: هەردوولا، كۆكبوون لەسەر بوونی بەرنامەی هاوبەشی لایەنە بەشداربووەكان و بۆ ئەو مەبەستەش بڕیاردراوە هەردوولا دوو لیژنە دروست بكەن، بۆ یەكخستنی روانگەی بزوتنەوەی گۆڕان و پارتی دیموكراتی كوردستان، لەسەر كارنامەی حكومەت و لیژنەیەك بۆ دانانی پێوەرەكانی چۆنیەتی بەشداریكردن لە حكومەت.
دهقی راگهیهندراوهكه:
بەلاغی كۆبونەوەی شاندی باڵای پارتی دیموكراتی كوردستان و وەفدی دانوستانكاری بزوتنەوەی گۆڕان
لە درێژەی بەڕێوەچوونی هەوڵی پێكهێنانی كابینەی نۆیەمی حكومەتی هەرێمی كوردستان و خێراتركردنی گفتوگۆكان لەسەر بەرنامەی كابینەی نۆیەم و پێكهاتەكەی، رۆژی (15)ی(1)ی (2019)، شاندێكی باڵای پارتی دیموكراتی كوردستان بەسەرۆكایەتی نێچیرڤان بارزانی، جێگری سەرۆكی پارتی دیموكراتی كوردستان لە سلێمانی، لەگەڵ وەفدی دانوستانكاری بزوتنەوەی گۆڕان كۆبوونەوه.
كۆبوونەوەكە لە كەشێكی بەرپرسیارانە و بە گیانی كاری هاوبەش و پێكەوەیی لە پەلەكردن لە پێكهێنانی حكومەت لەسەر بنەمای تێگەیشتنی تەواو و وەك، هەردوولا لەسەر بنەمای خزمەتگوزاری چاكسازی بنەڕەتی و هەڵگرتنی بەرپرسیارییەتی، بەڕێوەچوو.
هەردوولا، كۆكبوون لەسەر بوونی بەرنامەی هاوبەشی لایەنە بەشداربووەكان و بۆ ئەو مەبەستەش بڕیاردراوە هەردوولا دوو لیژنە دروست بكەن، بۆ یەكخستنی روانگەی بزوتنەوەی گۆڕان و پارتی دیموكراتی كوردستان، لەسەر كارنامەی حكومەت و لیژنەیەك بۆ دانانی پێوەرەكانی چۆنیەتی بەشداریكردن لە حكومەت.
هەردوولا جەختیان كردەوە لەوەی، دەبێت پەلە بكرێت و چیدی پرۆسەی پێكهێنانی حكومەت و رێزگرتن لە ئیرادەی دەنگدەران دوا نەخرێت.
بزوتنەوەی گۆڕان
پارتی دیموكراتی كوردستان