10 ملیۆن لیتر نەوت لە پارێزگای دهۆک دابەش دەکرێت
K24 – هه‌ولێر:
بەهۆی ئەو شەپۆلە سەرمایەی پارێزگای دهۆکی گرتووەتەوە، لەسەر بڕیاری مەسرور بارزانی، سەرۆکی حکوومەتی هەرێمی کوردستان، 10 ملیۆن لیتر نەوت لە پارێزگای دهۆک دابەش دەکرێت.
ئەیاس ئەمین دوسکی، ئەندامی لیژنەی ئەمنی بۆ دابەشکردنی سووتەمەنی بە کوردستان24ـی راگەیاند، ئەمڕۆ لە قەزای سێمێل و سەنتەری دهۆک و چەند شارۆچکەیەکی دیکە دابەش دەکرێت و لە رێگای بریکاریەکانی خواردنیش هاووڵاتیان لەوە ئاگادار دەکرێنەوە.
راشیگەیاند، پرۆسەکە بەشێوەیەکی رێک و پێک و یەکسان، لە زاخۆ و سێمێل بەڕێوەچووە و هەر سەرۆک خێزانێک بڕی 200 لیتر وەردەگرێت.
لەبارەی کێشەی غاز، گووتی، کێشەی غاز دەتوانم بڵێم 80% چارەسەرکراوە.