راپرسييهك سهبارهت به ههڵبژاردنى شارهوانييهكانى توركيا ههدهپه بێ ئومێد دهكات
K24 – دياربهكر:
لە باكووری كوردستان یەكەم راپرسی لەلایەن دەزگای لێكۆڵینەوەی "راوەست" سەبارەت بە ھەڵبژاردنی شارەوانييهكان ئهنجامدرا.
بە گوێرەی راپرسیەكە، لە شارەكانی دیاربەكر، وان، رحا و ماردین ھیچ گۆڕانكاریەك روونادات، بەڵام لە پێنج ناوچە و شارۆچكەی باكووری كوردستان كە قەیومیان لێدانراوە، ئاك پارتی براوە دەبێت.
هاوكات مستەفا ئۆزچەلیك، سەرۆكی پارتی ئازاديی كوردستان (پاك) رایگەیاند، بۆ ھەڵبژاردنی شارەوانییەکان ھاوپەیمانی لەگەڵ پارتی دیموكراتی گەلان (ھەدەپە) ناكەين و لەگەڵ پارتی سۆسیالیستی كوردستانیش بە كاندیدی سەربەخۆ بەشداری دەكەين.
گوتیشی: لە ژێر ناوی پلاتفۆرمی كاندیدی سەربەخۆ و وڵاتپارێز و دیموكرات بەشداری لە ھەڵبژاردندا دەكەين.
سەرۆكی پارتی ئازاديی كوردستان لەپێناو بەدیھێنانی ئامانجە نەتەوەییەكان داوای ھاوپەیمانی لە ھاكپار، پارتی دیموكراتی كوردستان- باكوور و پارتی دیموكراتی كوردستانى توركیا كرد.