پهكهكه: رووسیا بە ئاڵوگۆڕێكی پیس و ئەوروپا و ئەمریكاش بە بێدەنگیان ئۆپەراسیۆنی سهر عەفرینیان پەسەند كردووە
K24 - ههولێر:
مەستەفا كاراسو، ئەندامی دەستەی بەڕێوەبەری كۆما جڤاكێن كوردستان "كەجەكە" رایگەیاند: "رووسیا بە ئاڵوگۆڕێكی پیس و ئەوروپا و ئەمریكاش بە بێدەنگی خۆیان ئۆپەراسیۆنی توركیایان بۆسەر عەفرین پەسەند كردووە".
كاراسو لە گوتارێكیدا رایگەیاند، ئەوانەی داعشیان لەناوبرد، كورد بوون، بەڵام ئەمرۆ توركیا كورد و داعش وەك یەك سەیر دەكات و عەفرین داگیردەكات، گوتیشی، توركیا لە ئۆپەراسیۆنی عەفرین بە تەنیا نییە، رووسیا بە ئاشكرایی ئاڵۆگۆڕێكی پیسی كرد و رێگەی ئاسمانی لەبەردەم توركیا كردوەوە، ئەوروپا و ئەمریكاش بە بێدەنگی خۆیان ئۆپەراسیۆنی عەفرینیان پەسەند كردووە و ھاوشێوەی رووسیا كارێكی پیس دەكەن.
ئەو ئەندامەی دەستەی بەرێوەبەری كەجەكە رەخنەی توندیشی لە ئەڵمانیا گرتووە بەوەی خۆی رادەستی ھەرەشەكانی توركیا كردووە.
له رۆژی 20/1/2018ـهوه سوپای توركیا و میلیشیا هاوپهیمانهكانی هێرشیان بۆ سهر ناوچهكانی غهفرین دهستپێكردووه، بهڵام وهك ئهوهی توركیا بانگهشهی بۆ دهكرد، نهیانتوانیوه پێشڕهوییهكی ئهوتۆ بكهن و شهڕڤانانی یهپهگه بهرگرییهكی توند دهكهن.