ئێران چاوەڕێی پێکهێنانی حکوومەتی نوێی عێراقە
K24 - ھەولێر
گوتەبێژی وەزارەتی دەرەوەی ئێران رایدەگەیەنێت "ئاستی پەیوەندیی و ھاوكارییەكانمان لەگەڵ عێراقی دراوسێ باشە و چاوەڕێی حكوومەتی نوێی عێراق دەكەین، بۆ ئەوەی بتوانین دوای پێكھێنانی حكوومەتی نوێ لە بواری سیاسی و پرسی دیكەشدا زیاتر پەرە بە پەیوەندییەكانمان بدەین".
بەھرام قاسمی، گوتەبێژی وەزارەتی دەرەوەی ئێران رایەگەیاند: "وەك دوو وڵاتی دراوسێ پەیوەندییەكانمان لەگەڵ عێراق لە ئاستێكی باش دایە و ھاوكاری و ھاتووچۆی زۆر لە نێوانماندا ھەیە، ئێستاش دەبینین لە عێراق ھەوڵێكی زۆر لە لایەن حزب و قەوارە و ھاوپەیمانییەكان لە ئارادایە بۆ ئەوەی حكوومەتێكی نوێ دروست بێت".
گوتیشی: "دوای ئەو ھەڵبژاردنە ئازادەی كە لەو وڵاتە كرا و ئێمەش چاوەڕێین ئەو حكوومەتە دروست بێت و دوای پێكھێنانی حكوومەتی نوێش، ئێمە لە ھەموو بوارەكانی كەرتی تایبەت و حكوومی لە پرسی سیاسی و كۆمەڵێك بابەتی دیكەی پەیوەندیدار و گرنگ پەرە بە پەیوەندییەكانی نێوانمان دەدەین".
ھ.م