ئه‌مه‌ریكا داوای "وێنه‌یه‌كی جوانتری" خه‌لیفه‌ی نوێی داعش ده‌كات
K24 - هه‌ولێر:
پرۆگرامی "پاداشت له پێناو دادپه‌روه‌ری" كه سه‌ر به وه‌زاره‌تی ده‌ره‌وه‌ی ئه‌مه‌ریكایه، وێنه‌یه‌كی "حاجی عه‌بدوڵڵا"، خه‌لیفه‌ی نوێی داعشی بڵاوكردووه‌ته‌وه و نووسیویه‌تی: "ئه‌م وێنه‌یه‌ت هیچ جوان نییه و وێنه‌یه‌كی دیكه‌مان بۆ بنێرن".
پرۆگرامه‌كه، له ئه‌كاونتی فه‌رمی خۆی له تۆڕی كۆمه‌ڵایه‌تی تویته‌ر نووسیویه‌تی: "ئه‌ی حاجی عه‌بدوڵڵا، ئه‌و وێنه‌یه‌ت به هیچ شێوه‌یه‌ك جوان نییه! داوا له هاوڕێ تیرۆریسته‌كانت ده‌كه‌ین وێنه‌یه‌كی جوانترمان بۆ بنێرن".
يا #حجي_عبدالله ، إن صورتك هذه ليست بجميلة اطلاقاً! اطلب من أصدقائك #الإرهابيين أن يبعثوا لنا صورة أجمل لو سمحت! #داعش pic.twitter.com/nTtRabKB4x
— Rewards for Justice عربي (@Rewards4Justice) June 25, 2020
دوای كوژرانی خه‌لیفه‌ی داعش، ئیبراهیم عه‌واد ئیبراهیم ئه‌لبه‌دری سامه‌رائی، ناسراو به ئه‌بوبه‌كر به‌غدادی، له ئۆپه‌راسیۆنێكی تایبه‌تی ئه‌مه‌ریكییه‌كان، "ئه‌بو ئیبراهیم قوره‌شی"، كه به "حاجی عه‌بدوڵڵا" ناسراوه، وه‌ك خه‌لیفه‌ی نوێی رێكخراوه‌كه ده‌ستنیشان كرا، ئه‌مه‌ریكاش له پاداشتی پێدانی زانیاری دروست بۆ ده‌ستگیركردنی خه‌لیفه‌ی نوێ، بڕی 5 ملیۆن دۆلاری وه‌ك پاداشت دانابوو، به‌ڵام ئێستا ئه‌و بڕه‌ی بۆ 10 ملیۆن دۆلار زیاد كردووه، بۆ گه‌یاندنی زانیاری له رێگه‌ی واتسئه‌پیشه‌وه ئه‌م ژماره‌یه‌ی داناوه 0012022941037، به‌ڵام پرۆگرامی "پاداشت له پێناو دادپه‌روه‌ری" وێنه‌كه‌ی خه‌لیفه‌ی به دڵ نییه و داوای وێنه‌ی "جوانتر له هاوڕێ تیرۆریسته‌كانی حاجی عه‌بدوڵڵا" ده‌كات.
احصل على ١٠ مليون دولار بدلاً من الـ ٥ ملايين!
— Rewards for Justice عربي (@Rewards4Justice) June 24, 2020
قام هذا الارهابي #حجي_عبدالله بجرائم لا تُعد ولا تُحصى ضد الأبرياء من اخوانكم. تواصلوا معنا إن كانت لديكم #معلومات تؤدي الى التعرف على أو تحديد موقع الإرهابي#محمد_سعيد_عبدالرحمن_المولى#واتساب ١٢٠٢٢٩٤١٠٣٧ ٠٠#تليغرام @RFJ_Arabic_bot pic.twitter.com/XKlflqSn69