مووچە دەدرێت

K24 - ھەولێر

لە بە دواچوونی پەیامنێری كوردستان24 لەبارەی دواكەوتنی مووچەی فەرمانبەرانی ھەرێمی كوردستان، وەزیری دارایی و ئابووری بە وەكالەت رایدەگەیەنێت، لیستی دابەشكردنی مووچە بڵاودەكەنەوە.

پەیامنێری كوردستان24 پرسیاری فەرمانبەرانی لە دواكەوتنی مووچەی مانگی 9 ئاراستەی رابەر سدیق، وەزیری دارایی و ئابووری بە وەكالەت كرد لە وەڵامدا بێ ئەوەی كاتی بڵاوكردنەوەی خشتەی دابەشكردنی مووچە ئاشكرا بكات گوتی: "خشتەی دابەشكردنی مووچەی مانگی 9 بڵاودەكەینەوە و مووچە دابەش دەكەین" بەڵام وادەكەی ئاشكرا نەكرد.

پێشتریش سەفین دزەیی، گوتەبێژی حكومەتی ھەرێمی كوردستان رەتیكردبووەوە كە حكومەتی ھەرێمی كوردستان ناتوانێت مووچەی مانگی 9 بە فەرمانبەران بدات.