باشووری کوردستان پێشمەرگە ھێرشێكی داعشی لە خورماتوو تێكشكاند

پێشمەرگە ھێرشێكی داعشی لە خورماتوو تێكشكاند

K24 - ھەولێر

چەكدارانی داعش جارێكی دیكە لە سنووری خورماتوو ھێرشیان كردە سەر سەنگەرەكانی پێشمەرگە، بەڵام پێشمەرگە شكستی بە ھێرشەكە ھێنا و سەرجەم داعشەكان كوژران.

سەرچاوەیەكی ئاگادار بە كوردستان24 راگەیاند: "بەرەبەیانی ئەمڕۆ چەكدارانی داعش دزەیان كردووەتە نێو فڕۆكەخانەی حلێوە لە خورماتوو كە بارەگای فەوجی چواری لیوای 116 سۆرانی ھێزی پێشمەرگەی لێیە، چەكدارانی داعش سەرجەمیان خۆكوژبوونە، بەڵام پێشمەرگە ھۆشیاربوونە و لێیان ھاتوونەتە دەست سەرجەم چەكدارەكانی داعشیان كوشتووە".

ھەر بە گوێرەی زانیارییەكانی ئەو سەرچاوەیە یەكێك لە خۆكوژەكان لە دەروازەی فڕۆكەخانەی حلێوە خۆی تەقاندووەتەوە،خۆشبەختانە ھێزی پێشمەرگە لەو شەڕە ھیچ زیانی گیانی بەرنەكەوتووە.

9. sidebar1_home_page