به‌ ڤيديۆ.. له‌ ناو هۆڵى دادگا تۆمه‌تبار په‌لامارى شاهێدێكى دا و پۆليسيش كوشتى

تۆمه‌تبارێك به‌ پڕتاو هه‌ڵده‌كوتێته‌ سه‌ر شاهێدێكى دۆسييه‌كه‌ى و ده‌يه‌وێت بيكوژێت
kurdistan24.net

K24 – هه‌ولێر:

له ناو هۆڵێكى دادگادا، تۆمه‌تبارێك به‌ پڕتاو هه‌ڵده‌كوتێته‌ سه‌ر شاهێدێكى دۆسييه‌كه‌ى و ده‌يه‌وێت بيكوژێت. بڵاوبوونه‌وه‌ى گرته‌ى ڤيديۆيى رووداوه‌كه‌، له‌ تۆڕه‌ كۆمه‌ڵايه‌تييه‌كان كاردانه‌وه‌ى زۆرى به‌دواى خۆيدا هێناوه‌.

رووداوه‌كه‌ له‌ دادگايه‌كى ويلايه‌تى يوتاى ئه‌مريكا روويداوه‌.

تۆمه‌تباره‌كه‌، ته‌مه‌نى 25 ساڵه‌ و په‌لامارى قه‌ڵه‌مێك ده‌دات و هه‌ڵده‌كوتێته‌ سه‌ر شاهێدى دۆسييه‌كه‌ى و ده‌ستبه‌جێ پاسه‌وانى هۆڵه‌كه‌ ته‌قه‌ى لێده‌كات و ده‌يكوژێت.

له‌ لايه‌ن خۆيه‌وه‌ پارێزه‌رى تۆمه‌تباره‌كه‌، رايگه‌ياند، هۆڵه‌كه‌ پڕ بوو له‌ پۆليس، ده‌كرا ده‌ستگيربكرێته‌وه‌ بێ ئه‌وه‌ى ته‌قه‌ى لێبكرێت.

گوتيشى: تۆمه‌تباره‌كه‌ پێشتر تۆمه‌تى ئه‌ندامبوونى له‌ باندێكى دزى و به‌كارهێنانى چه‌كى خرابووه‌ پاڵ.

سه‌رچاوه‌: رووسياليه‌وم

ئ.ر