نێچیرڤان بارزانى یادى له‌دایكبوونى پێغه‌مبه‌ر پیرۆز ده‌كات
K24 – هه‌ولێر:
له په‌یامێكدا نێچیرڤان بارزانى، سه‌رۆك وه‌زیرانى هه‌رێمى كوردستان، یادى له‌دایكبوونى پێغه‌مبه‌رى ئيسلامى، پیرۆز كرد.
له په‌يامه‌كه‌يدا هاتووه: "هیوادارم ئه‌م یاده به خێر و خۆشى بۆ هه‌مووان بگه‌ڕێته‌وه".
ده‌قى په‌يامه‌كه:
یادى له‌دایكبوونى حه‌زره‌تى پێغه‌مبه‌ر محه‌مه‌د (د.خ)، له ته‌واوى موسڵمانان له هه‌رێمى كوردستان و عێراق و جیهان پیرۆز بێت. هیوادارم ئه‌م یاده به خێر و خۆشى بۆ هه‌مووان بگه‌ڕێته‌وه و هه‌موو لایه‌ك بیكه‌نه ده‌رفه‌تێكى تر بۆ هه‌وڵدان و كاركردن له‌پێناو جێگیربوون و قووڵبوونه‌وه‌ى زیاترى كولتوور و گیانى ئاشته‌وایى و لێبورده‌یى و چه‌مكه مرۆییه‌كان له‌ناو پێكهاته‌كانى كوردستان و عێراق و جیهانى ئیسلامدا به‌گشتى.
دووباره ئه‌م یاده له هه‌موو موسڵمانان پیرۆز بێت.
نێچیرڤان بارزانى
سه‌رۆك وه‌زیرانى هه‌رێمى كوردستان
19/11/2018