كەشناسی: بەفر و بارانبارین بەردەوام دەبێت
K24 - ھەولێر
بە گوێرەی پێشبینیەكانی كەشناسی ئەو شەپۆلە بارانبارینەی رووی لە ھەرێمی كوردستان كردووە بەردەوام دەبێت و لە ناوچە شاخاویەكان بەفر دەبێت.
بەڕێوەبەرایەتی كەشناسی و بومەلەرزەزانی ھەرێمی كوردستان، پێشبینیەكانی بۆ كەشوھەوای 48 كاتژمێری داھاتوو بڵاوكردەوە، بەپێی پێشبینیەكان ئەمڕۆ ئاسمانی ھەرێمی كوردستان ھەوری باراناوی دەبێت و لە زۆربەی كاتەكان باران دەبارێت، لە ناوچە شاخاوییە سنوورییەكانیش بەفر دەبێت.
كەشناسی لەبارەی كەشوھەوای سبەی پێشبینی دەكات، رۆژی یەكشەممە ئاسمانی ھەرێمی كوردستان لەنێوان ھەوری تەواو و نیمچە ھەوردا دەبێت، لەگەڵ بارانبارین لە كات و شوێنی جیاواز.