داعش شێواز و تاكتیكی هێرشهكانی له ناوچه كوردستانییهكان دهگۆڕێت
K24- ههولێر:
هۆشداری لەبارەی جموجوڵەکانی داعش و فراوانبوونی هێرشەکانی دەدرێت، له لایهكی دیكهشهوه چهكدارانی ئهو رێكخراوی شێواز و تاكتیكی هێرشهكانیان دوای كوژرانی كهسی یهكهمی رێكخراوهكهیان بۆ شهڕی پارتیزانی گۆڕیوه، به تایبهت له ناوچه كوردستانییهكانی سهر به پارێزگاكانی دیاله، كهركووك و سهڵاحهدین، كه لهماوهی كهمتر له 10 رۆژ، چەندین هێرشیان کردووەتە سەر پێشمەرگە و هێزە ئەمنیەکان لهو ناوچانه.
سهبارهت به چۆنیهتی خۆڕێكخستنهوهی داعش و دهستگهیشتنیان به چهك و پێداویستی، لیوا محهمهد سابیر، پسپۆری سەربازی دهڵێت، مانهوهی سنوورهكانی عێراق لهگهڵ وڵاتانی دراوسێ، هۆكارێكی سهرهكییه بۆ دهستگهیشتنیان به چهك و پێداویستی و له رووی مادییشهوه دهستێكی دهرهكی پاڵپشتیان دهكات، ههروهها هۆکاری فراوانبوونی هێرشەکانی چهكدارانی ئهو رێكخراوهش بۆ ئەو بۆشایە ئەمنییە دەگەرێنێتەوە، كه لە نێوان پێشمەرگە و هێزە عێراقیەکان دروست بووە.
ئهمه لهكاتێكدایه، دوای چەندین هێرشی داعش بۆ سەر هێزی پێشمەرگە لە ناحیەی کوڵەجۆ، پێشمەرگە هێزی زیاتری رەوانهی ناوچەکە کردوە و خۆی بۆ هەر هێرشێکی دیکە ئامادە کردوە، بەڵام هێزە ئەمنیەکانی عێراق بە پێچەوانەوە، سەرقاڵی خۆپیشاندانەی پارێزگاکانی عێراقن. تایبهت بهم بابهتهش ناسر ههركی، ئەندامی لێژنەی ئاسایش و بەرگری لە ئهنجوومهنی نوێنهرانی عێراق دەڵێت: حکوومەتی عێراقمان لە مەترسیەکانی داعش ئاگادار کردوەتەوە و جهختیش دهكاتهوه، چارەسەر تەنها هەماهەنگی نێوان پێشمەرگە و ھێزەكانی عێراقە.
هۆكاری سهرهكی زۆربوونی جموجووڵی چەکدارانی داعش نەبوونی هەماهەنگییه لە نێوان پێشمەرگە و سوپای عێراق، پسپۆڕانیش دووپاتی دهكهنهوه، تاکە چارەسەر گەرانەوەی پێشمەرگەیە، بهڵام تا ئێستا حکوومەتی عێراق ھەنگاوی كرداری بۆ دروستكردنی ئهو ھەماھەنگییه نەناوە، داعشیش ئەم بۆشاییە ئەمنییەی بەدەرفەت زانیوه.
H.B