بزووتنەوەی گۆڕان ئەنجامی ھەڵبژاردن رەتدەكاتەوە
K24 - سلێمانی
بزووتنەوەی گۆڕان ئەنجامی ھەڵبژاردنی پەرلەمانی كوردستان رەتدەكاتەوە و رایدەگەیەنێت، ئەو دەنگانە دەنگی بزووتنەوەی گۆڕان نین.
حەكیم عوبێد، ئەندامی جڤاتی نیشتمانی بزووتنەوەی گۆڕان، بە كوردستان24ی راگەیاند: "ئەنجامی ھەڵبژاردنی پەرلەمانی كوردستان رەتدەكەینەوە، ئێمە پێمانوایە ھەڵبژاردنی پەرلەمانی كوردستان بەھەمان شێوەی ھەڵبژاردنی پەرلەمانی عێراق ساختەكاری زۆری تێداكراوە".
ئەوەشی خستەڕوو: "دەنگەكانمان بە رێژەیەكی زۆر كەمی كردووە و ھۆكارەكەشی دەگەڕێتەوە بۆ بوونی ساختەكاری و كەمی بەشداری خەڵك لە دەنگدان و كێشەكانی نێو بزووتنەوەی گۆڕان".