پێشمەرگە ھێرشی داعشی لە داقوق و خورماتوو تێكشكاند

داعش لە دوو قۆڵەوە ھێرشی كردەسەر سەنگەرەكانی پێشمەرگە

K24 - كەركووك

شەوی رابردوو داعش لە دوو قۆڵەوە ھێرشی كردەسەر سەنگەرەكانی پێشمەرگە، بەڵام لە ھەردوو قۆڵ پێشمەرگە شكستی بە ھێرشەكەی داعش ھێنا.

پەیامنێری كوردستان24 لە كەركووك رایگەیاند: "شەوی رابردوو چەكدارانی داعش لە ھەردوو قۆڵی داقوق و خورماتوو ھێرشیان كردەسەر سەنگەرەكانی پێشمەرگە، دوای رووبەڕووبوونەوە ھێزی پێشمەرگە شكستی بە ھێرشەكە ھێنا و پاشەكشەی بە چەكدارانی داعش كرد".

گوتیشی: "لەو شەڕەدا چەندین چەكداری داعش كوژرا و برینداربوون، دوو پێشمەرگەی فەوجی 3 لیوای 11 شەھیدبوون و ژمارەیە پێشمەرگەی دیكەش بریندارن".

ئەمە لەكاتێكدایە لەماوەی ئەم دوو ھەفتەی دواییدا داعش لەسنووری داقوق و خەرماتوو چەند ھێرشێكی كردووەتەوەسەر سەنگەرەكانی پێشمەرگە، بەڵام سەرجەم ھێرشەكان تێكشكێنراون.

پێشمەرگە ھێرشی داعشی لە داقوق و خورماتوو تێكشكاند
پێشمەرگە ھێرشی داعشی لە داقوق و خورماتوو تێكشكاند
پێشمەرگە ھێرشی داعشی لە داقوق و خورماتوو تێكشكاند