سهرۆك بارزانی: كوردستان وڵاتی برایەتی و پێكەوەژیانە و پارێزگاریی لهو پێكهوهژیانه دهكهین
K24 - ههولێر:
سهرۆك بارزانی، به بۆنهی جهژنی (ڕۆژووی ئێزی) پهیامێكی پیرۆزبایی ئاراستهی خوشك و برا ئێزدییهكان دهكات و له پهیامهكهدا رایدهگهیهنێت، كوردستان وڵاتی برایەتی و پێكەوەژیانە و پاراستنی ئەو تەبایی و برایەتی و پێكەوەژیانە ئەرکێکی پیرۆزە و درێخی لێ ناکەین.
دهقی پهیامهكهی سهرۆك بارزانی:
"بەناوی خودای بەخشندە و میهرەبان
بەبۆنەی هاتنەوەی «جەژنی ڕۆژووی ئێزی»، گەرمترین پیروزبایی له خوشك و برایانی ئێزیدی لە كوردستان و سەرانسەری جیهان دەكەم.
هیوادارم ئەو جەژنە، شادی و ئارامی و بەختەوەریی بۆ خوشك و برا ئێزیدیەكانمان بهێنێت و کۆتایی بە ئازار و مەینەتییەکانیان بێت.
كوردستان وڵاتی برایەتی و پێكەوەژیانە و، پاراستنی ئەو تەبایی و برایەتی و پێكەوەژیانە ئەرکێکی پیرۆزە و درێخی لێ ناکەین.
جەژنتان پیرۆز و، ئومێد دەكەم هەمیشە جەژنەكانتان لە خۆشی و ئاشتیدا بكەنەوە.
مسعود بارزانی
19ـی 12ـی 2019"