بەشیر حەداد داوا لە حکوومەتی عێراق دەکات کوردانی فەیلی قەرەبوو بکاتەوە
K24 - بەغدا
بەشیر خەلیل حەداد، جێگری سەرۆکی پەرلەمانی عێراق رایگەیاند: "کوردانی فەیلی لەسەر دەستی رژێمی پێشووی عێراق ستەم و زوڵمی زۆریان لێکراوە و رووبەڕووی جینۆساید و کوشتن بوونەتەوە".
گوتیشی: "بۆ گەیشتن بە مافەکانیان پێویستە لەسەر کوردانی فەیلی یەکدەنگ و یەکهەڵوێستبن".
جێگری سەرۆکی ئەنجوومەنی نوێنەران داوای لە حکوومەتی عێراقیش کرد، مافی کوردانی فەیلی بگەڕێنێتەوە و قەرەبوویان بکاتەوە.
ھ.م