قایمقامیه‌تی قه‌زای ناوه‌ندی هه‌ولێر به‌دواداچوون بۆ گران كردنی نرخی ده‌مامك ده‌كات
K24- هه‌ولێر:
دوای ئه‌وه‌ی به‌شێك له ده‌رمانخانه‌كان، نرخی ده‌مامكیان گران كرد، لیژنه‌یه‌ك له قائیمقامییه‌تی ناوه‌ندی هه‌ولێر سه‌ردانی ده‌رمانه‌خانه‌كانی له شه‌قامی پزیشكانی شاری هه‌ولێری كرد.
له كاتی سه‌ردانه‌كه‌دا نه‌به‌ز عه‌بدولحه‌مید، قائیمقامی قه‌زای ناوه‌ندی هه‌ولێر بۆ كوردستان 24 رایگه‌یاند: رێگه ناده‌ن، كه‌سانێك ئه‌و دۆخه بقۆزنه‌وه و نرخی ده‌مامك و پێداویستی پزیشكی گران بكه‌ن.
H.B