مه‌كته‌بى سه‌رۆكى پارتى ديموكراتى كوردستان له باره‌ى به‌شداريكردن له حكومه‌ت و پۆسته‌كانى به‌غدا روونكردنه‌وه ده‌دات
K24 – هه‌ولێر:
مه‌كته‌بى سه‌رۆكى پارتى ديموكراتى كوردستان، له روونكردنه‌وه‌يه‌كدا ره‌خنه‌ى له كه‌ناڵێكى راگه‌ياندن گرتووه، كه ماوه‌ى دوو رۆژه باسى پشكى كورد له كابينه‌ى نوێى حكومه‌تى عێراق و كانديده‌كانى پارتى ده‌كات و ئه‌و زانياريانه‌ش به "راست نين" وه‌سفده‌كات.
ده‌قى روونكردنه‌وه‌كه
ماوەی دوو ڕۆژە تۆڕی میدیایی ڕووداو لەسەر ناوی بەربژێرەكان و هەروەها پشكی پارتی لە پۆستە وەزارییەكانی حكوومەتی تازەی عێراق و پشكی لایەنە كوردییەكان هەندێ هەواڵ و زانیاری بڵاو دەكاتەوە.
لێرەدا ڕایدەگەیێنین كە ئەو هەواڵ و زانیاریانە ڕاست نیین. هەتا ئێستا پارتی دیموكراتی كوردستان بڕیاری كۆتایی لەسەر دیاریكردنی ناوی هیچ بەربژێرێك بۆ پۆستە وەزراییەكانی بەغدا نەداوە و دوای یەكلاییكردنەوەی ناوەكان، پارتی دیموكراتی كوردستان بە فەرمی ناوی بەربژێرەكانی بۆ پۆستە وەزراییەكانی بەغدا ڕادەگەیێنێت.
مەكتەبی سەرۆكی پارتی دیموكراتی كوردستان
23-10-2018