كەشناسی: بارانبارین بەردەوام دەبێت
K24 - ھەولێر
بەڕێوەبەرایەتی كەشناسی و بومەلەرزەزانی ھەرێمی كوردستان، پێشبینیەكانی كەشوھەوای بۆ 48 كاتژمێری داھاتوو راگەیاند و بەگوێرەی پێشبینیەكان بارانبارین بە بڕی جیاواز بەردەوام دەبێت.
بەپێی پێشبینیەكانی كەشناسی، ئەمڕۆ ئاسمانی ھەرێمی كوردستان لەنێوان نیمچە ھەور بۆ ھەوری تەواودا دەبێت و باران دەبارێت بە تایبەتی لە ناوچە شاخاوییەكان.
لەبارەی كەشوھەوای سبەی كەشناسی رایدەگەیەنێت، سبەی یەكشەمە ئاسمان لە ھەندێك ناوچەی ھەرێمی كوردستان نیمچە ھەور دەبێت و لە ھەندێكی دیكەش ھەوری تەواو دەبێ، بە تایبەتی بارانبارین بەردەوام دەبێت بەتایبەتی لەكاتی بەیانیدا.