كاردانەوەی كوژرانی هیشام هاشمی بەردەوامن
K24- هەولێر:
كاردانەوەكان لە دژی كوژرانی ھیشام ھاشمی، شرۆڤەكاری ئەمنی عێراقی و شارەزای گروپە تیرۆریستییەكان بەردەوامن، تەنانەت وەزیری دەرەوەی ئەمەریكاش داوای دۆزینەوە و بە سزاگەیاندنی ئەنجامدەرانی ئەو تاوانە دەكات.
لەم بارەشەوە پسپۆڕانی بواری ئەمنی و چاودێرانی سیاسی ئاماژە بەوە دەكەن، لە ساڵی 2003 ـەوە تا ئێستا، چەندین دۆسیەی رووداوی دیكە ھەن، كە تا ئێستا ئەنجامدەرانیان نەدۆزراونەتەوە، چونكە وەك ئاماژەی پێ دەدەن، دەسەڵاتدارە یەك لە دوا یەكەكانی عێراق ویستی بەرقەراركردنی ئارامی وڵاتیان نەبووە.
H.B