حکومەتی هەرێمی کوردستان دەستهەقی کۆمپانیای شاماران و گۆڵف کیستۆنی خەرجکرد
K24 – هه‌ولێر:
بە گوێرەی هەواڵێکی پێگەی یاهوو فاینانس، کۆمپانیای شامارانی کەنەدی رایگەیاندووە، 16 ملیۆن دۆلاریان وەک دەستهەقی کارکردنی مانگی ئەیلوولی ئەمساڵ لە حکوومەتی هەرێمی کوردستان وەرگرتووە، لەو بڕەی کە وەریشگیراوە 5 ملیۆن و 400 هەزار دۆلاری وەک پوختەی داهات بۆ کۆمپانیاکە ماوەتەوە.
کۆمپانیای شاماران کۆمپانیایەکی پەرەپێدان و دۆزینەوەی نەوتییە و کارەکانی لە هه‌رێمی کوردستان چڕکردووەتەوە، هەروەها خاوەنداری سەدا 27.6 کارەکانی بلۆکی ئەتروش دەکات.
هەروەها کۆمپانیای گۆڵف کیستۆنیش رایگەیاند، بڕی 9 ملیۆن و 900 هەزار دۆلاریان لە حکوومەتی هەرێمی کوردستان وەرگرتووە، کە وەک هەقدەستی فرۆشی نەوتی شێخان بووە بۆ مانگی ئەیلوول.