بارانبارین دەست پێدەكاتەوە
K24 - ھەولێر
بەڕێوەبەرایەتی كەشناسی و بومەلەرزەزانی ھەرێمی كوردستان، پێشبینیەكانی بۆ 48 كاتژمێری داھاتوو بڵاوكردەوە و بەگوێرەی پێشبینیەكانی كەشناسی ئەمڕۆ ئاسمانی شارەكانی باشووری كوردستان، نیمچە ھەور دەبێت و لەكاتی شەودا لە ھەندێك ناوچەی شاخاوی ئەگەری بارینی نمە باران ھەیە.
ھەروەھا كەشناسی لەبارەی كەشوھەوای سبەی رایگەیاندووە، سبەی ئاسمانی ھەرێمی كوردستان نیمچە ھەور دەبێت و لەكاتە جیاجیاكان بەشێوەی پچڕ پچڕ ئەگەری بارانبارین ھەیە.