100 کەسی دیکە لە عێراق بەهۆی کۆرۆنا گیانیان لەدەستدا
K24 – هەولێر
لەماوەی 24 کاتژمێری رابردوودا دوو هەزار و 229 کەسی دیکە تووشی کۆرۆنا بوون و 100 کەسیش بەهۆی ئەو پەتا جیهانییە لە عێراق گیانیان لەدەستدا.
بەڕێوەبەرایەتی گشتیی تەندروستی لە وەزارەتی تەندروستی و ژینگەی عێراق ئاماری 24 کاتژمێری رابردووی تایبەت بە پەتای کۆرۆنا لە عێراق و هەرێمی کوردستان بڵاوکردەوە.
بەپێی راگەیەندراوەکە لەماوەی 24 کاتژمێری رابردوودا 2274 کەس لە کۆرۆنا چاکبوونەتەوە، 2229 کەسی دیکە تووشی پەتاکە بوون و 100 کەسی دیکەش بەهۆی ڤایرۆسی کۆرۆنا گیانیان لەدەستداوە.
ئامارەکانی وەزارەتی تەندروستیی عێراق سەبارەت بە کۆرۆنا:
چاکبوونەوە: 46998
تووشبوون: 79735
ئەوانەی ڤایرۆسەکە لە جەستەیان چالاکە: 29487
ئەوانەی بەهۆی کۆرۆنا لەژێر چاودێریی چڕدان: 412
گیانلەدەستدان بەهۆی کۆرۆنا: 3250
هـ.ر.