داخستنى فڕۆكه‌خانه‌كانی هه‌رێم ژماره‌ی گه‌شتیارانی له توركیا كه‌م كردۆته‌وه
K24- هه‌ولێر:
كونسڵی توركیا لە ھەولێر ده‌ڵێت: داخستنی فرۆكەخانەكانی ھەولێر و سلێمانی لەلایەن بەغداوە، داواكاری خەڵك لەسەر ڤیزەی توركیا كەمكردۆته‌وه.
محەممەد عەكيف كونسڵی گشتی توركیا لە ھەرێمی كوردستان رایگەیاند، ئێستا گەشتیارانی ھەرێمی كوردستان، لەرێگەی دەروازەی سنوری ئیبراھیم خەلیل و فرۆكەخانەی بەغداوە گەشت بۆ توركیا دەكەن, ئەمەش كاریگەری نەرێنی كردووەتە سەر گەشتە ئاسمانییەكان.
عەكاف ئاماژەی بەوەشكردووە، لەم كاتەدا ڤیزای ئەلیكتڕۆنی راگیراوە و لەبەرامبەر داواكاری لەسەر ڤیزای ئاسایی زیادیكردووە، بەجۆرێك رۆژانە 500 ڤیزا بە ھاوڵاتیانی ھەریەك لە پارێزگای ھەولێر و سلێمانی دەدەین.
لە29ى مانگی ئەیلولی رابردوو، لەدژی ئەنجامدانی ریفراندۆمەكەی باشووری كوردستان، بەغدا بەبڕیارێك گەشتە ئاسمانیه‌كانی فرۆكەخانەكانی ھەولێر و سلێمانی راگرت.