سهرۆك بارزانی دهستخۆشی له ههڵوێسته نیشتمانییهكانی كوردانی ئێزدی دهكات
K24 - ههولێر:
مهسعود بارزانی، سهرۆكی ههرێمی كوردستان، به بۆنهی جهژنی جهمایێ، پیرۆزبایی له كوردانی ئێزدی دهكات و رایدهگهیهنێت، كوردی ئێزدی هەمیشە شانازی بە كولتوور و هەڵوێستی نەتەوایەتی و كوردستانییەوە دەکەن.
له بهشێكی دیكهی پهیامهكهدا، بارزانی دهستخۆشی له كوردانی ئێزدی دهكات و رایدهگهیهنێت، لە ریفراندۆمی ٢٥ـی ئەیلوولیشدا جارێکی دیكه ئەوەتان بۆ هەموو لایەک سەلماندەوە کە هیچ هێزێک ناتوانێت ئێوە لە گەلی کوردستان داببڕێت.
ههروهها دهڵێت: "بۆ ئەو هەڵوێستە نیشتیمانییەتان دەستخۆشیتان لێ دەکەم".
دهقی پهیامی پیرۆزبایی سهرۆك بارزانی، بۆ كوردانی ئێزدی:
سەرۆكی هەرێمی كوردستان جەژنی جەمایێ لە سەرجەم ئێزدیانی كوردستان و جیهان پیرۆز دەكات
بەناوی خوای مەزن و دلۆڤان
بە بۆنەی جەژنی جەمایێ، پیرۆزبایی گەرمم ئاراستەی سەرجەم ئێزدیانی كوردستان و جیهان دەكەم.
كوردی ئێزدی هەمیشە شانازی بە كلتوور و هەڵوێستی نەتەوایەتی و كوردستانییەوە دەکەن و لەو پێناوەدا خەباتیان کردووە و قوربانییان داوە و لە ڕیفراندۆمی ٢٥ـی ئەیلوولیشدا جارێکی تر ئەوەتان بۆ هەموو لایەک سەلماندەوە کە هیچ هێزێک ناتوانێت ئێوە لە گەلی کوردستان داببڕێت و بۆ ئەو هەڵوێستە نیشتیمانییەتان دەستخۆشیتان لێ دەکەم.
هیوادارم جەژنی جەمایێ و هەموو بۆنە ئاینییەکانتان بە خۆشی بۆ بگەڕێنەوە و بە گوڕ و تینێكی زیاتر، خزمەتی گەل و وڵات و ئایینەكەتان بكەن.
مهسعود بارزانی
١٢ـی١٠ـی٢٠١٧