زەریف: ئەمەریکا لە دەرئەنجامەکانی کوشتنی سولەیمانی بەرپرسیارە
K24 – ههولێر:
محەمەد جەواد زەریف، وەزیری دەرەوەی ئێران و مەولود چاوشئۆغڵو، وەزیری دەرەوەی تورکیا پەیوەندییەکی تەلەفۆنیان ئەنجامدا.
لە پەیوەندییە تەلەفۆنییەکەدا، هەردوولا دۆخی ئێستای ناوچەکەیان تاوتوێ کرد و زەریف رایگەیاند، هەر پێشهاتێک رووبدات بەهۆی کوشتنی سولەیمانی، ئەمەریکا لێی بەرپرسیارە.
بەهۆی کوشتنی قاسم سولەیمانی و ئەبو مەهدی موهەندیس، تورکیا هۆشداریی داوەتە هاووڵاتیانی سەردانی عێراق نەکەن.
کۆماری ئیسلامی ئێرانیش، لە هەڕەشەکانی بەردەوامە و بەڵێنی داوە. تۆڵەی کوشتنی قاسم سولەیمانی بکاتەوە.