شەپۆلێكی بارانبارین ھەرێمی كوردستان دەگرێتەوە
K24 - ھەولێر
كەشناسی ھەرێمی كوردستان پێشبینی دەكات، لە سبەینێوە، شەپۆلێكی بارانبارین روو لە ھەرێمی كوردستان دەكات و چەند رۆژێك بەردەوام دەبێت.
بەگوێرەی راپۆرتی پێشبینیەكانی بەڕێوەبەرایەتی كەشناسی و بومەلەرزەزانی ھەرێمی كوردستان سبەی نزمە پاڵەپەستۆی دەریای ناوەڕاست و دەریای سوور نزیك دەبێتەوە لە ھەرێمی كوردستان و بەشێوەیەكی پچڕ پچڕ بارانبارین دەست پێدەكات، رۆژی چوارشەممە كاریگەری شەپۆلەكە زیاتر دەبێت و پێشبینی دەكرێت باران لەسەرجەم ناوچەكانی كوردستان ببارێت، زۆرترین رێژەی بارانبارینیش لە سەنتەری پارێزگای دھۆك و قەزای زاخۆ و ناوچە شاخاوییەكانی ھەڵەبجە دەبێت.
بەپێی راپۆرتەكەی كەشناسی لەكاتی بارانبارین ھەورە تریشقە دروست دەبێت و پلەكانی گەرما بۆ 4 تا 5 پلە نزم دەبێتەوە.
كەشناسی راشگەیاندووە: "رۆژی پێنجشەممە بارانبارین بەردەوام دەبێت و رۆژی ھەینی كاریگەری ئەم ناسەقامگیرییەی كەشوھەوا نامێنێت و رۆژی شەممە بارانبارین دەست پێدەكاتەوە.
ھ.م