دەرمانی چارەسەركردنی تووشبووانی كۆرۆنا لە كوردستان بەرهەم هێنرا
K24- هەولێر:
كۆمپانیای دەرمانسازی ئاوامێدیکا لە هەولێر دەرمانی دژە ڤایرۆسی بۆ چارەسەركردنی توشبووانی کۆرۆنای نوێ (کۆڤید-١٩) بەرهەمهێنا.
دكتۆر شاخەوان زاهیر، بەڕێوەبەری مارکێتینگ و پەرەپێدان لە كۆمپانیای ئاوامێدیکا رایگەیاند، كۆمپانیاكەیان بە هاوکاری سەنتەرە پسپۆڕیە جیهانیەکان بەسەرکەوتووی دەرمانی دژە ڤایرۆسی فابیڤیر (Favipiravir)ی بۆ چارەسەری توشبووانی کۆرۆنای نوێ (کۆڤید-١٩) بەرهەمهێنا.
گوتیشی: یەکەم بڕ بۆ وەزارەتی تەندروستی عێراق نێردرا، بۆ ئەوەی بەسەر سەرجەم ناوەندەکانی چارەسەرکردنی کۆرۆنا نوێدا دابەش بکرێت.
بەگوێرەی زانیاترییەكانیش، بەپێی رێكەوتنی نێوان عێراق و رووسیا ئەم دەرمانە لە ھەرێمی كوردستان بەرھەم ھێنراوە.
H.B