تیروپشكی جامی شا راكێشرا، بارسێلۆنا ئه‌ركی سه‌خته و ریال مه‌درید ئه‌ركی ئاسانه
تیروپشکی قۆناخی 16ـی جامی شای ئیسپانیا راکێشرا و بارسێلۆنای پاڵەوانی وەرزی رابردوو ئەرکی سەختە و ریال مەدریدیش ئەرکی ئاسانە.
ئه‌مرۆ سێشه‌ممه، 5 دێسێمبه‌ری 2017، تیروپشكی قۆناخی 16ـی جامی شای ئیسپانیا راكێشرا، بارسێلۆنا له‌م قۆناخه رووبەڕووی سێلتاڤیگۆ دەبێتەوە، لە کاتێکدا هەفتەی رابردوو هەردوو یانە لە کامپ نوو لە لالیگا بەیەکگەیشتن و بە دوو گۆڵ بەرامبەربوون.
ریال مەدریدیش لە قۆناخی 16 بەرامبەر نۆمانسیا یاریی دەکات، دوای ئەوەی لاوفوێنلابرادای لە قۆناخی 32 تێپەڕاند.
ڤالێنسیا و لاس پالماس لەلایەک، ئیسپانیۆل و لیڤانتیش لەلایەکی دیکە رووبەڕوو دەبنەوە.
ئاتلێتیکۆ مەدریدیش لە قۆناخی 16 ئەرکی ئاسان دەبێت و بەرامبەر لیدا ئیسپۆرتیۆ یاریی دەکات و سێڤییاش بەرامبەر کادێز یاریی دەکات، ڤیاڕیال و لیگانێسیش لە هەمان قۆناخ بەیەک دەگەن.
یارییەکانی چوون رۆژانی دوو تا سێی مانگی داهاتوو دەکرێن و یارییەکانی گەڕانەوەش رۆژانی نۆ و دەی هەمان مانگ دەکرێن.