گرێبەستە واژۆکراوەکانی دوایین کاتژمێرەکانی بازاڕی گواستنەوەی یاریزانان

K24- هەولێر

لە چەند کاتژمێری رابردوو چەندین گرێبەست لە بازاڕی گواستنەوەی یاریزانان واژۆکراون و چەندان یاریزانیش چاوەڕێی دوایین کاتژمێرەکان دەکەن بۆ ئەوەی چارەنووسیان یەکلابێتەوە، تاکو ئێستا 10 گرێبەستی گرنگ لەمڕۆ پێنجشەممە واژۆکراون، کە ئەمڕۆ دوایین وادەیە لە ئەڵمانیا، ئینگڵاند، فڕەنسا و لە ئەڵمانیاش دەرگای بازاڕی گواستنەوەی یاریزانان داخرا.

لویز نانی بە خواستن لە ڤاڵێنسیاوە پەیوەندی بە ریزەکانی ڤاڵێنسیا کرد- 

ئۆکسڵەید چامبێرلەین بەرامبەر 43 ملیۆن یۆرۆ لە ئارسێناڵی ئینگلیزییەوە بۆ ماوەی پێنج وەرز پەیوەندی بە ریزەکانی لیڤەرپوولی ئینگلیزی کرد- 

لیڤەرپوول بەفەرمی گواستنەوەی داڤیک ئۆریجی بە خواستن بۆ ریزەکانی فۆلفسبۆرگی ئەڵمانی راگەیاند- 

ریناتۆ سانچێز بەخواستن لە بایرن میونشنی ئەڵمانییەوە پەیوەندی بە ریزەکانی سوانزی سیتی کرد و درێسی ژمارە 85 دەپۆشێت- 

بورووسیا دۆرتمۆند جادۆن سانچۆی هێرشبەری لە ریزەکانی مانچێستەرسیتی گواستەوە ریزەکانی- 

مبای نیانگ لە ئەیسی میلانەوە بە خواستن پەیوەندی بە ریزەکانی تۆرینۆ کرد- 

ئاندرێس بیکی بەرگریکاری بێشیکتاشی تورکی تاکو 2019 پەیوەندی بە ریزەکانی شتوتگارتی ئەڵمانی کرد- 

سێرجی ئۆریێ بەفەرمی لە پاریس سانجێرمانەوە پەیوەندی بە ریزەکانی تۆتێنهام هۆتسپێرسەوە کرد-