تۆپی پێ به‌ڵگه‌ی چوونی ڤیراتی بۆ بارسێلۆنا ئاشكرا ده‌بێت

به‌ڵگه‌ی چوونی ڤیراتی بۆ بارسێلۆنا ئاشكرا ده‌بێت
ماركۆ ڤیراتی ناوه‌راستكاری ئیتاڵی یانه‌ی پاریس سانجێرمان

تا ێت ده‌نگۆی چوونی ماركۆ ڤیراتی بۆ یانه‌ی بارسێلۆنا زیاتر ده‌بێت، به‌ گوێره‌ی سه‌رچاوه‌كانی راگه‌یاندنی فره‌نسا و ئیسپانیا ناوه‌راستكاره‌ ئیتاڵیاییه‌كه‌ له‌سه‌ر په‌یوه‌ندیكردنی به‌ یانه‌ی بارسێلۆنا سووره‌.

به‌رگی ئه‌مڕۆ دووشه‌ممه‌ی رۆژنامه‌ی لیكیپی فره‌نسا

رۆژنامه‌ی لیكیپی فره‌نسا، له‌ چاپی ئه‌مڕۆ دووشه‌ممه‌، به‌ مانشێتێكی گه‌وره‌ نووسیویه‌تی: ڤیراتی هه‌ڕه‌شه‌ی جێهێشنی له‌ پاریس كردووه‌ و پێداگیری له‌سه‌ر په‌یوه‌ندیكردنی به‌ یانه‌ی بارسا ده‌كات.

مانشێتی ئه‌مڕۆ رۆژنامه‌ی ئیلمۆندۆ دیپۆرتیڤۆی ئیسپانیا

رۆژنامه‌ی ئیلمۆندۆ دیپۆرتیڤۆی ئیسپانیا، له‌ چاپی ئه‌مڕۆ دووشه‌مه‌، جه‌ختی له‌وه‌ كردۆته‌وه‌ كه‌ ڤیراتی به‌ كارگێرانی یانه‌كه‌ی راگه‌یاندووه‌ كه‌ ناگه‌ڕێته‌وه‌ و وه‌رزی داهاتوو له‌گه‌ڵ ئه‌وان ده‌ستپێناكاته‌وه‌.

مانشێتی چاپی ئه‌مڕۆی رۆژنامه‌ی سپۆرتی كه‌ته‌لۆنیا

رۆژنامه‌ی سپۆرتی كه‌ته‌لۆنیا، له‌ چاپی ئه‌مڕۆیدا، دووپاتی كردۆته‌وه‌ كه‌ ڤیراتی په‌یامێكی روونی بۆ یانه‌ی پاریس سانجێرمان ناردووه‌ و له‌ چوونی بۆ بارسێلۆنا ئاگاداری كردوونه‌ته‌وه‌.

به‌ گوێره‌ی پێگه‌ی ماركاش، ڤیراتی له‌ شاری بارسێلۆنا خانوویه‌كی بۆ خۆی و خانه‌واده‌كه‌ی گرتووه‌ و ئه‌مه‌ش به‌ڵگه‌ی چوونی ئه‌و یاریزانه‌ بۆ ریزه‌كانی یانه‌ كه‌ته‌لۆنیاییه‌كه‌ دووپات ده‌كاته‌وه‌.