به وێنه... راھێنەرێکی پێشووی ھەڵبژاردەی کوردستان له لێواری مهرگدایه
عەبدوڵڵا مەحموود، راهێنهری پێشووی ههڵبژاردهی كوردستان و دێرینترین راهێنهری شاری ھەولێر نەخۆشە و باری تەندروستی جێگیر نییە، به گوێرهی پشكنینه پزیشكییهكان ئهگهر چارهسهری خێرای بۆ نهكرێت ژیانی دهكهوێته مهترسی.
عەبدوڵڵا مەحموود كه پێشتر راھێنەرایەتی یانەكانی ھەولێر، بروسک، پێشمەرگەی ھەولێر، ئارارت، کەرکوک و گازی باکووری لە خولی نایابی عێراق و کوردستان کردووە، له لێدوانێکی تایبەتدا بۆ كوردستان24 راگەیاند كه ماوەی چەند رۆژێکە تووشی نەخۆشی ھەوکردنێکی تووندی گورچیلەکانی بووە، دهشڵێت: زۆر ئازارم چەشتووە و ماوهی چهندان رۆژه لەسەر جێگا کەوتوومە و تادێت بارودۆخم خراپ دهبێت.
عەبدوڵڵا مەحموود كه به تهمهنترین راهێنهری كوردستان له بارهی نهخۆشییهكهی زیاتر دهڵێت: ئهم دهردهی تووشم بووه تەنگی پێھەڵچنیوم، لە ئێستاشدا خەریکی بەکارھێنانی چارەسەره پزیشکییهكانم و نازانم چارهنووسی نهخۆشییهكهم به كوێ دهگات و بەم نزیکانەش بۆ چارەسەری تەواو ڕوو لە دەرەوەی وڵات دهكهم.
ئهم راهێنهری وهرزی رابردووی یانهی گازی باكوور كه به شێخی راھێنەرانی کوردستان ناسراوه لە درێژەی قسەکانی بە راشکاوانە گلەیی و دڵ تەنگی خۆی بەرامبەر بەرپرسانی وەرزشی کوردستان بە گشتی ھەولێر بە تایبەتی دەردهبڕی و دهڵێت: تهمهنێكم به وهرزشی كوردستان و شاری ههولێر بهخشی، كهچی لەوەتەی نەخۆش کەوتوومە ھیچ کام لە بەرپرسان سەردانیان نەکردووم و لێیان نەپرسیووم.
عەبدوڵڵا مەحموودی تەمەن 55 ساڵان، پێشووتر گۆڵپارێزی یانەی ھەولێربووە و بانگھێشتی ریزەکانی ھەلبژاردەی عێراقیش کراوە، دواتر لە دونیای راھێنەرایەتی لهگهڵ چهندان یانهی ناسراوی كورد کاری کردووە، ھەروەھا لەگەڵ ھەلبژاردەی کوردستان لە شاری ھەولێر ناسناوی کۆنیفای بردۆتەوە و چەندین ناسناوی لەگەڵ یانەکانیش بەدەستھێناوە.
ئامادەکردنی: بارزان ئەکرەم