كاسێمیرۆ: زۆر بیری كریستیانۆ ده‌كه‌م

كاسێمیرۆ: كریستیانۆ باشترین یاریزانی جیهانه‌ و خۆشترین ساته‌كانم له‌گه‌ڵ ئه‌و یاریزانه‌ تێپه‌ڕ كرد

كاسێمیرۆ ناوه‌راستكاری به‌رازیلی یانه‌ی ریال مه‌درید له‌ لێدوانێكدا ئاماژه‌ بۆ ئه‌وه‌ ده‌كات كه‌ زۆر بیری كریستیانۆ ده‌كات، ده‌شڵێت: نه‌ك من، ریال مه‌دریدیش بیری ئه‌و ئه‌ستێره‌ پورتوگالییه‌ ده‌كات.

كاسێمیرۆ له‌ باره‌ی جیابوونه‌وه‌ی كریستیانۆ له‌ ریال مه‌درید جه‌خت له‌وه‌ ده‌كاته‌وه‌ كه‌ ئاستی كریستیانۆ و ژماره‌ی گۆڵه‌كانی و ده‌ستكه‌وته‌كانی هۆكارێكه‌ بۆ ئه‌وه‌ی ریال مه‌درید بیری ئه‌و یاریزانه‌ بكات.

كاسێمیرۆ ده‌شڵێت: راشكاوانه‌ ده‌ڵێم ئێمه‌ زۆر بیری كریستیانۆ ده‌كه‌ین، هه‌موو یانه‌یه‌ك له‌م جیهانه‌ خۆزگه‌ به‌ هه‌بوونی كریستیانۆ ده‌خوازێت، چونكه‌ ئه‌و باشترین یاریزانی جیهانه‌.

كاسێمیرۆ گوتیشی: زۆر به‌خته‌وه‌ر و دڵخۆش بووم كه‌ ماوه‌یه‌ك هاوشانی كریستیانۆ یاریم كردووه‌، به‌داخه‌وه‌ ئێستا ئه‌و یاریزانی ریال مه‌درید نه‌ماوه‌.

كاسێمیرۆ شه‌وی رابردوو له‌ شوێنی نێیمار بووه‌ كاپتنی هه‌ڵبژارده‌ی به‌رازیل به‌رامبه‌ر په‌نه‌ما و یارییه‌كه‌ش به‌ یه‌كسانبوون به‌ گۆڵێك بۆ هه‌رلایه‌كیان كۆتایی هات.