بەڤیدیۆ: یۆڤێنتۆس بە هاتریکێکی دیبالا لە ساسۆلۆی بردەوە
K24- هەولێر
یۆڤێنتۆس چوارەم سەرکەوتنی لەسەر یەکی لە سێریا ئەی بەدەستهێنا و بە هاتریکێکی پاولۆ دیبالا لە ساسۆلۆی میوانداریی بردەوە.
پاولۆ دیبالا لە یاریی ژمارە 100ی خۆی لەگەڵ یۆڤێنتۆسدا لە خولەکەکانی 16 ، 49 و 63 هاتریکی بۆ یۆڤێنتۆس کرد و یۆڤی چوارەم سەرکەوتنی لەسەر یەکی تۆمارکرد و بە کۆکردنەوەی 12 خاڵ پێشەنگی سێریا ئەی گرت و یۆڤی لەم وەرزە تاکو ئێستا لە 4 یاری 13 گۆڵی کردووە و 3 گۆڵی لێکراوە.
راستییەکانی یارییەکە:
- لەوەتەی وەرزی 2015/2016 هیچ یاریزانێک بەقەدەر دیبالا بە لێدانی راستەوخۆ گۆڵی نەکردووە (6 گۆڵ)
- دیبالا لە یاریی ژمارە 100ی خۆی لەگەڵ یۆڤێ گۆڵی ژمارە 50ی تۆمارکرد
- دیبالا بە تۆمارکردنی 8 گۆڵ دوای 4 گەڕ پێشەنگی گۆڵکارانی سێریا ئەی گرتووە
- دیبالا بووە یەکەم یاریزانی یۆڤێنتۆس لە مێژوودا لە 4 یاریی دەستپێکی سێریا ئەی گۆڵ بکات
- پاولۆ دیبالا دووەم هاتریکی لەم وەرزە تۆمارکرد و جگە لە ساسۆلۆ هاتریکی بەرامبەر جێنەواش کردووە.
- دیبالا لەم وەرزە تاکو ئێستا لە 5 یاری 10 گۆڵی بۆ یۆڤێنتۆس کردووە، واتە لە کۆی 15 گۆڵ رێژەی %66.7ی گۆڵەکانی یۆڤی لەم وەرزە بە قاچی دیبالا بوون