بەڤیدیۆ.. یاریزانێکی ریال مەدرید تووشی پێکانێکی سەخت بوو
K24- هەولێر
دانی سیبایۆسی ناوەڕاستکاری ریال مەدریدی ئیسپانی لە یاریی هەڵبژاردەی لاوانی ئیسپانیا تووشی پێکانێکی سەخت بوو و خەریکبوو مەترسی بکەوێتە سەر ژیانی.
شەوی هەینی لە یاریی نێوان خوار 21 ساڵانی ئیسپانیا و ئیتاڵیا دانی سیبایۆس لە ئەنجامی بەیەکداکەوتنی لەگەڵ یاریزانێکی ئیتاڵیا کەوت و بڕبڕەکانی ملی بە تووندی بەیەک کەوتنەوە، بەخێرایی ناوەڕاستکارەکەی ئیسپانیا گەیەنرایە نەخۆشخانە و بە هەستی بە سەرسووڕان دەکرد.
دوای ئەوەی پشکنینی پزیشکی بۆ کرا، دەرکەوت پێکانەکەی سیبایۆس مەترسیدار نییە و ئەو ناوەڕاستکارەی ریال مەدرید تەنیا تووشی ئازارێکی تووند بووە و جارێکی دیکە دەگەڕێتەوە راهێنانەکانی هەڵبژاردەی لاوانی ئیسپانیا.
سیبایۆس ئەمڕۆ دوای بەجێهێشتنی نەخۆشخانە لە هەژماری فەرمی خۆی لەبارەی رووداوەکەوە نووسیویەتی 'سووپاس بۆ خوا پێکانەکەم سووک بوو، بەردەوام دەبین'.