تاران: ئه‌مه‌ریكا ناچاره‌ به‌رامبه‌ر به‌ ئێران دان به‌ دۆڕانی خۆیدا بنێت

به‌ 4 خاڵ وه‌ڵامی سزاكانی ئه‌مه‌ریكا ده‌داته‌وه‌
author_image هۆشیار بەنانی

K24- هه‌ولێر:

له‌ به‌یاننامه‌یه‌كدا وه‌زاره‌تی ده‌ره‌وه‌ی ئێران سزاكانی ئه‌مه‌ریكای بۆ سه‌ر وڵاته‌كه‌ی ئیدانه‌كرد و به‌ "هه‌نگاوێكی تاكلایه‌نه‌ی و دووباره‌كراوه‌ و نایاسایی و بێسوود" وه‌سفی كرد.

له‌ به‌یاننامه‌كه‌دا وه‌زاره‌تی ده‌ره‌وه‌ی ئێران وه‌ڵامه‌كه‌ی بۆ ئه‌مه‌ریكا له‌ 4 خاڵدا كۆكردووه‌ته‌وه‌، ئه‌وانیش:

- ئه‌مه‌ریكا ناچاره‌ راستییه‌كان قبوڵ بكات و به‌رامبه‌ر به‌ ئێران دانیش به‌ دۆڕانی خۆیدا ده‌هێنێت.

- ئه‌مه‌ریكا هێشتا په‌یڕه‌وی ره‌فتاری تاكلایه‌نانه‌ و نایاسایی و بێ سوود ده‌كات و سووره‌ له‌سه‌ر دووباره‌كردنه‌وه‌ی ئه‌و ره‌فتارانه‌.

- سزا نوێیه‌كانی ئه‌مه‌ریكا پێشێلكردنی یاسای نێوده‌وڵه‌تییه‌ و ئه‌و پیشه‌سازییه‌ی كردووه‌ته‌ ئامانج كه‌ كاریگه‌ری راسته‌وخۆی له‌سه‌ر ژیانی ملیۆنان ئێرانی هه‌یه‌.

- سزا نوێیه‌كانی ئه‌مه‌ریكا پێشێلكاریه‌كی زه‌قه‌ بۆ بڕیاری 2231ی ئه‌نجوومه‌نی ئاسایشی نێوده‌وڵه‌تی و پابه‌ندبوونی ئیداره‌ی ئه‌مه‌ریكا.

ئه‌مه‌ دوای ئه‌وه‌ هاتووه‌، ئه‌مه‌ریكا سه‌پاندنی سزای نوێی به‌سه‌ر ژماره‌یه‌ك كه‌سایه‌تی و كۆمپانیای ئێرانیدا راگه‌یاندووه‌.

H.B