كڵاوشینەكانی سەدر خۆپیشاندانەكان سست دەكەن

راوێژکاری سەربازیی موقتەدا سەدر دەچێتە ناو خۆپیشاندەران

K24 - ھەولێر

بەهۆی هەڕەشەی کڵاوشینەکانی رەوتی سەدر، ژمارەی خۆپیشاندەران لە بەغدا کەمبووەتەوە و راوێژکاری سەربازیی موقتەدا سەدریش بڕیاری كشانەوەیان دەدات.

پەیامنێری کوردستان24 لە بەغدا رایگەیاند، بەهۆی هەڕەشەی کڵاوشینەکانی سەربە رەوتی سەدر، ژمارەی خۆپیشاندەران لە گۆڕەپانەکانی تەحریر، خەڵانی و وەسبە بە شێوەیەکی بەرچاو کەمبووەتەوە. هاوکات، شەوی رابردوو، ئەبو دوعا عیساوی راوێژکاری سەربازیی موقتەدا سەدر چووەتە نێو خۆپیشاندەرانی گۆڕەپانی تەحریر و بەڵێنیداوە، کڵاوشینەکان لە گۆڕەپانەکە بکشێنێتەوە.

لەلایەكی دیكەوە لە نەجەف جارێکی تر خۆپیشاندەران دەستییان بە دانانەوەی خیوەتەکان، لە گۆڕەپانی سەدرەین کردەوە، کە پێشتر لەلایەن کڵاوشینەکانەوە سووتێندرابوون.

ھ.م