ئه‌م خۆراكانه‌ بۆ چاو به‌ سووده‌

Kurd24

K24 – ھەولێر

زیاتر له‌ 25 ملیۆن كه‌س له‌ جیهاندا، ده‌ناڵێنن به‌ هۆی لاوازی بینینی چاو، دیاره‌ ئه‌میش هۆكاره‌كه‌ی زیاتر ده‌گه‌ڕێته‌وه‌ بۆ ئامێره‌ ئه‌لكترۆنییه‌كانی وه‌ك: "كۆمپیته‌ر، ئای پاد، پله‌ی سته‌یشن، ته‌له‌فزیۆن...هتد".

ئه‌م خۆراكانه‌ی خواره‌وه‌ یارمه‌تیده‌رن بۆ به‌هێزبوونی یه‌كه‌ی بینینی چاو ئه‌مانه‌ن:

1- كه‌له‌رم: یه‌كێكه‌ له‌و خۆراكه‌ ته‌ندروستیانه‌ی پێكهاته‌ی دژه‌ ئۆكسید و شێرپه‌نجه‌ی تێدایه‌، ماده‌یه‌كی زۆر له‌ ڤیتامین و پیتاكارۆتینی له‌خۆ گرتووه‌ كه‌ رۆڵێكی باشیان هه‌یه‌ بۆ باشتركردنی بینین چاوه‌كان.

2-گه‌نمه‌شامی: جگه‌ له‌وه‌ی خۆراكێكی خۆش و به‌تامه‌، خۆراكێكی ته‌ندروستیشه‌، له‌ پێكهاته‌ی "ئه‌لوتین و زیاكساسن" و دژه‌ ئۆكسیدی تێدایه‌، یارمه‌تیده‌ره‌ بۆ به‌هێز بوونی یه‌كه‌ی بینین.

3-سپێناخ: ده‌وڵه‌مه‌نده‌ به‌ ماده‌ی "ئه‌لوتین و زیاكساسن"، ده‌توانرێ به‌ شێوه‌ی شه‌ربه‌تیش بخورێت.

4-برۆكلی: ده‌وڵه‌مه‌نده‌ به‌ ڤیتامین "C" و ماده‌ی "پیتاكارۆتین"، سوودێكی زۆری هه‌یه‌ بۆ زیادكردنی ئاستی بینین.

5- هێلكه‌: باشترین سه‌رچاوه‌ی پرۆتینه‌ و ده‌وڵه‌مه‌ندیشه‌ به‌ ڤیتامین "E"، جگه‌ له‌وه‌ی سوودی هه‌یه‌ بۆ چاو، یارمه‌تیده‌ریشه‌ بۆ به‌هێزبوونی ددانه‌كان.

6-پرته‌قاڵ: سه‌رچاوه‌یه‌كی سه‌ره‌كی ڤیتامین "C"یه‌، یه‌كێكه‌ له‌ میوه‌ به‌سووده‌كان، ده‌وڵه‌مه‌ندیشه‌ به‌ ماده‌ی دژه‌ ئۆكسید.

7- گێزه‌ر: گرنگترین خۆراكه‌ بۆ به‌هێزبوونی چاوه‌كان، رۆڵێكی كارایی هه‌یه‌ له‌ رێكخستنی گواستنه‌وه‌ی خوێن بۆ چاوه‌كان.