مووچەی 10 وەزارەت دابەش دەکرێت

K24 – هەولێر

بەگوێرەی خشتەی وەزارەتی دارایی و ئابووری حکومەتی هەرێمی کوردستان بۆ دابەشکردنی مووچە، ئەمڕۆ شەممە 19/3/2022، مووچەی 10 وەزارەت دابەش دەکرێت.

وەک لە خشتەکان هاتووە، ئەمڕۆ مووچەی ئەم وەزارەتانە دەدرێت:.

-وەزارەتی سامانە سرووشتییەکان

-وەزارەتی پلاندانان

-وەزارەتی بازرگانی و پیشەسازی

-وەزارەتی کشتوکاڵ و سەرچاوەکانی ئاو

-وەزارەتی خوێندنی باڵا

-وەزارەتی شارەوانی و گەشتوگوزار

-وەزارەتی ئاوەدانکردنەوە و نیشتەجێکردن

-وەزارەتی رۆشنبیری و لاوان

-وەزارەتی گواستنەوە و گەیاندن

-وەزارەتی کارەبا

هەر بەپێی ئەو خشتەی کە وەزارەتی دارایی و ئابووری بڵاویکردووەتەوە، سبەی یەکشەممە مووچەی مانگی شوباتی هەر سێ سەرۆکایەتی پەرلەمان، ئەنجومەنی وەزیران، سەرۆکایەتی هەرێم، هەروەها خانەنشینانی پێشمەرگە و خانەنشینانی شارستانی دابەش دەکرێت.

وەک راگەیەندراوە سبەی پێش هاتنی جەژنی نەورۆز، کۆتایی بە دابەشکردنی مووجەی مانگی 2ی 2022 دێت.