هنري کيسنجر ( گوتنەکا تەحل لدور کوردا ) بەلێ يا بمفا

Kurd24

هينري کيسنجر کو راوێژکارێ سەروکێ ئەمريکا بو  بو ئاسايشا نەتەوەيي ١٩٦٩ - ١٩٧٣ پاش بويە وەزيرێ دەرڤە يێ ئەمريکا لسالا١٩٧٣ - ١٩٧٧ زێدەباري کارێ وي يێ راوێژکارێ وهاتيە نياسين وەك ئەندازيارێ سياسەتا ئەمريکي وخەلاتێ ( نوبل ) بئاشتيێ وەرگرتيە لڤەکێشانا ئەمريکا ژڤێتنامێ لديف رێکەفتنەکێ ،چەندين سەروکێت ئەمريکي راوێژ پێ دکر ورادسپارت بهندەك کارێت گرنگ وچارە نڤيس حەتا سەر دەمێ جورج بوشێ دوێ . چەندين پەرتوك ونڤيسين هەنە لبوارێ سياسي وئەمني وئابوري وستراتيجي .

کيسنجەر سەرپەرشتکارێ رێکەفتنناما جەزاير بو لنافبەرا عيراقێ وئيرانێ کو سەروکێ جەزاير دەستکاتي ( عرّاب) و بەرهەڤي بوکربون بئاگەهداري وپشتە ڤاني وسەرپەرشتيا وەزيرێ دەرڤە يێ ئەمريکا لوي دەمي (هنري كيسنجر) ولرۆژا ٦ي ئادارێ لسالا ١٩٧٥ێ لجەزايرا پايتەخت سەدام حسێن  وشاهێ ئيرانێ رێککەفتن ئيمزاکري وشورەشا ئيلونێ لکوردستانا عيراقێ هاتيە راوەستاندن  . پشتي هنگي دچافپێکەفتنەکێدا دگەل کيسينجەري کو پسيار ژێ هاتيە کرن وگوتيێ : (کورد گەلەکێ ئازاديخازبون وخەبات دکر بو ئازادياخو ، بوچي وە دەست ژێ بەردان وبنە پشتەڤان وهاريکار بو ژنافبرنا ڤێ بزاڤێ لرێکەفتنا جەزاير؟! ) بەرسڤا کيسنجەر بڤي رەنگي بو : کورد ببنە دەولەت دێ لبەر انبەر چێ ژکوردا وەرگرين ؟ کورد هێشتا نە گەهشتينە ئاستێ تێگەهشتنا نهێنيێت ئەمريکا ورۆژئاڤا، کورد هێشتا يێ دعەقليەتا ئيسلامەوي ورۆژهەلاتي دا دژين ، کورد هێشتا فێرنەبوينە سياسەتا بەرژەوەنديا ، دڤێت کورد خو پێرابگەهينن وهاريکاريا خو بکەن دا پشتەڤاني وهاريکاري بو بهێتە کرن  ( لديف بەرژەوەنديا ) .

ئەڤە دبيتە ئاماژەك بو کوردا کو خو رێکبێخن وخو بەرهەڤبکەن وببنە خودان ژێرخانا ئابوري وسامان وکانزا دا هاريکاري وپشتەڤانيا کوردا بهێتەکرن لديف بەرژەوەنديا.