دایکی بە تەمەن منداڵی باشتری دەبێ

توێژينه‌وه‌يه‌كى نوێ ده‌ريخستووه‌، ئه‌و منداڵانه‌ى دايكيان به‌ ته‌مه‌ندا چووه‌، باشتر گه‌شه‌ ده‌كه‌ن

 K24- هه‌ولێر

 

توێژينه‌وه‌يه‌كى نوێ ده‌ريخستووه‌، ئه‌و منداڵانه‌ى دايكيان ته‌مه‌نييان هه‌يه‌، باشتر گه‌شه‌ ده‌كه‌ن و ته‌ندرووستييان باشتره‌ به‌ به‌راورد له‌گه‌ڵ ئه‌و منداڵانه‌ى دايكيان ته‌مه‌نى زۆر نييه‌.

توێژينه‌وه‌كه‌ له‌سه‌ر 19.5 هه‌زار منداڵ، كه‌ له‌ به‌رازيل، گواتيمالا، هيندستان، باشوورى ئه‌فريقيا و فليپين له‌دايكبوون ئه‌نجامدراوه‌ و 20 ساڵى خاياندووه‌ و دايكه‌كان له‌ هه‌موو ته‌مه‌نێك بوون و ناوه‌نديى ته‌مه‌نيان 26 ساڵ بووه‌.

توێژينه‌وه‌كه‌ ده‌ريخستووه‌، ئه‌و منداڵانه‌ى دايكيان له‌ ته‌مه‌نى 19 ساڵدايه‌، زۆرتر پێش ئه‌وه‌ى ببنه‌ 9 مانگ له‌دايكده‌بن و ئه‌مه‌ش به‌ رێژه‌ى 20 -30% زياتره‌ له‌و منداڵانه‌ى دايكيان ته‌مه‌نى 35 ساڵ يان گه‌وره‌تره‌.

هه‌روه‌ها ده‌ركه‌وتووه‌، ئه‌و منداڵانه‌ى دايكيان ته‌مه‌نى زۆر نييه‌، كاتێك ده‌گه‌نه‌ ته‌مه‌نى 2 ساڵ، به‌ رێژه‌ى 30-40 له‌ سه‌دا باڵايان له‌ منداڵى هاوته‌مه‌نييان كورتتره‌.

هه‌روه‌ها ئه‌گه‌رى هه‌يه‌ ئه‌و منداڵانه‌ له‌ قوتابخانه‌ تووشى دواكه‌وتن ببن.

سه‌رچاوه‌: ماڵپه‌ڕى: deti.mail.ru