به‌ره‌ى توركمانى هۆشدارى ده‌دات

به‌ره‌ى توركمانى هۆشدارى دا سه‌باره‌ت به‌ مه‌ترسى دابه‌شبوونى عێراق له‌ داهاتوودا.

 K24 – هه‌ولێر

به‌ره‌ى توركمانى هۆشدارى دا سه‌باره‌ت به‌  مه‌ترسى دابه‌شبوونى عێراق له‌ داهاتوودا.

ئه‌رشه‌د ساڵحى، ئه‌ندامى ئه‌نجومه‌نى نوێنه‌رانى عێراق و سه‌رۆكى به‌ره‌ى توركمانى، له‌ به‌ياننامه‌يه‌كدا، رايگه‌ياند، عێراقى داهاتوو له‌ سه‌روبه‌ندى دابه‌شبووندايه‌ و ئه‌و قۆناغه‌ش ده‌رهاويشته‌ى ناوخۆيى و هه‌رێمايه‌تى زۆر به‌دواى خۆيدا ده‌هێنێت.

ساڵحى ئه‌وه‌شى گوت: "دابه‌شبوونى عێراق كاريگه‌رى ئابوورى و كۆمه‌ڵايه‌تى و سياسى گه‌وره‌ى لێده‌كه‌وێته‌وه"‌.

ئه‌و نوێنه‌ره‌ توركمانه‌، داواشى له‌ حزبه‌كانى ناو به‌ره‌ى توركمانى كرد، په‌له‌ بكه‌ن له‌ ئه‌نجامدانى چاكسازى بنه‌ڕه‌تيى له‌ ريزى به‌ره‌كه‌ياندا و به‌ زووترين كات كۆنگره‌ى شه‌شه‌مى به‌ره‌ى توركمانى ئه‌نجام بدرێت".

به‌ره‌ى توركمانى، دوا كۆنگره‌ى خۆى، له‌ 2012 ئه‌نجامداوه‌ و له‌و كاته‌وه‌ ئه‌رشه‌د ساڵحى به‌ سه‌رۆكى به‌ره‌كه‌ هه‌ڵبژێردراوه‌.