یانه‌ی زاخۆ 3 هێرشبه‌ری پێشه‌گه‌ری كڕی

دیسان به‌ كڕینی یاریزانی پێشه‌گه‌ر خۆی بۆ بردنه‌وه‌ی نازناو‌ی ئه‌م وه‌رزه‌ به‌هێز ده‌كا

K24 ـ ژووری هه‌واڵ

یانه‌ی زاخۆ ئه‌م وه‌رزه‌ به‌ ئامانجی بردنه‌وه‌ی نازناوی خولی نایابی تۆپی پێی عێراق هاتۆته‌ مه‌یدان، به‌ڵام هێشتا ئاسۆی بردنه‌وه‌ی ناسناوه‌كه‌ لای ئه‌و یانه‌یه‌ ڕوون نییه‌، له‌ پێناو ئومێد و گره‌نتی زیاتر 3 یاریزانی پێشه‌گه‌ری خه‌ڵكی وڵاتی لیبیای هێنایه‌ ڕیزه‌كانی.

 

ئه‌مڕۆ شه‌ممه‌ 22 تشرینی دووه‌م/ نۆڤه‌مبه‌ری 2015، له‌ ڕێگه‌ی فڕۆكه‌خانه‌ی نێوده‌وڵه‌تی هه‌ولێر هه‌ر 3 یاریزانه‌كه‌ گه‌یشتنه‌ پایته‌ختی هه‌رێمی كوردستان.

عه‌بدولسه‌لام فیتۆری، له‌ هێڵی هێرشبه‌ر یاری ده‌كات و یاریزانی هه‌ڵبژارده‌ی لیبیایه‌ و له‌ یانه‌ی ئه‌هلی به‌نگازی وڵاته‌كه‌شی یاری ده‌كات.

موهه‌ند بو عجیله‌، یاریزانی هێڵی ناوه‌نده‌ و له‌ یانه‌ی ئه‌هلی لیبیاییه‌وه‌ هاتووه‌، سالم مه‌سلاتی ـیش له‌ هێڵی هێرشبه‌ر یاری ده‌كات.

یانه‌ی زاخۆ له‌م وه‌رزه‌دا دوای تێپه‌ڕبوونی 8 هه‌فته‌، به‌ كۆكردنه‌وه‌ی 13 خاڵ له‌ خانه‌ی چواره‌می ڕیزبه‌ندی كۆمه‌ڵه‌كه‌ی خۆی دێت.