وەزارەتی تەندروستیی ئاماری توشبوانی ئایدز لە كوردستان بڵاودەكاتەوە
وەزارەتی تەندروستیی حكوومەتی ھەرێمی كوردستان نوێترین ئاماری توشبوانی نەخۆشیی ئایدزی لە ھەرێم بڵاوكردەوە.
وەزارەتی تەندروستی لە ئامارەکەیدا رایگەیاند: ژمارەی توشبوانی نەخۆشیی ئایدز لە ساڵی 2015 تا ئێستا گەیشتووەتە چوار نەخۆش، بەمەش تێکرای توشبوانی ڤایرۆسی ئایدز (HIV) لە هەرێمی کوردستان گەیشتووەتە 24 توشبوو.
وەزارەتی تەندروستیی ئاماژەش دەکات کە: سەرجەم ئەو كەسانەی ھەڵگری ڤایرۆسی ئایدزن لە هەرێمی كوردستان لە ژیاندا ماون، تەندروستیان باشە و لە ژێر چاودێریی و كۆنتڕۆڵدان.
نەخۆشی ئایدز دەبێتە ھۆی كەمی بەرگریی لەشی مرۆڤ بەرامبەر ڤایرۆسی (Human immunodeficiency virus) کە بە کورتکراوەی (HIV) ئاماژەی بۆ دەکرێ.