لە ھەولێر دیدارێك لەسەر جینۆساید بەرێوەدەچێت
باشووری کوردستان
ھەولێر
جینۆساید
كونسوڵگەریی
ھەرێمی كوردستان
ئەنفال
فوئادعوسمان
وەزارەتی كاروباری شەھیدان و ئەنفالكراوان
K24- ھەولێر
بەبۆنەی رۆژی جیھانیی جینۆساید بڕیارە لە شاری ھەولێر دیدارێك لەگەڵ نوێنەرانی كونسوڵگەریی و نووسینگەکانی وڵاتانی بیانیی لە ھەرێمی كوردستان بەڕێوەبچێت.
فوئادعوسمان، گوتەبێژی وەزارەتی كاروباری شەھیدان و ئەنفالكراوان بە (كوردستان24)ی راگەیاند: "وەزارەتی شەھیدان و ئەنفالكراوان بە ھاوكاریی فەرمانگەی پەیوەندییەکانی دەرەوەی حكوومەتی ھەرێمی كوردستان لە رۆژی جیھانیی جینۆساید ئەمڕۆ دیدارێك لە ھۆڵی شەھید سەعد عەبدوڵڵا بەڕێوەدەچێت".
گوتەبێژی وەزارەتی كاروباری شەھیدان گوتیشی: "دیدارەكە بە بەشداریی میوانانی بیانیی دەستپێدەكات كە گفتوگۆی كراوە دەبێت لەبارەی جینۆساید بە گشتیی و كوردستان بە تایبەتیی، كە تێیدا باس لە قۆناغەكانی ئەنفال و بە جینۆساید ناساندنی ئەنفال دەكرێت".
