بە ڤیدیۆ.. رەوەندی عێراقیی لە ئیمارات نارازین لە سیستمی پاسەپۆرتی وڵاتەکەیان
K24- دوبەی / بەرگەشت ئاکرەیی
رەوەندی عێراقیی لە میرنشینی ئیمارات نارازین لە بەرپرسانی وەزارەتی نێوخۆ و دەرەوەی عێراق بەهۆی سستیی سیستمی دەرکردن و نوێکردنەوەی پاسەپۆرتی عێراقیی لە ئیمارات، و دەڵێن ئەو پرۆسە مانگێک دەخایەنێ و كونسوڵی گشتیی عێراقیش لە ئیمارت دەڵێ: لە لایەکەوە فشاری هاوڵاتیانمان لەسەرە و لە لایەکی دیکەوە ئامێری چاپكردنی پاسپۆرتمان لەسەرخۆیە و پێویستمان بە سیستمی نوێتر و خێراتر هەیە بۆ چاپكردنی پاسپۆرت.
لە ئیمارات زیاتر لە 75000 ھاوڵاتیی عێراقیی دەژین بەشێك لەو هاوڵاتیانە كوردن و زۆربەیان لە میرنشینی دوبەی دەژین.