فوئاد مەعسوم بڕیاردرا كۆبوونەوەكان بەردەوام بن بۆ چارەسەركردنی كێشەكانی عێراق
K24- بەغدا
فوئاد مەعسوم، سەرۆك كۆماری عێراق رایگەیاند لە كۆبوونەوەی سەركردە سیاسییەكان و فراكسیۆن و لایەنەسیاسییەكان بڕیاردرا كۆبوونەوەكان بە شێوەی دەوریی بەردەوام بن، بۆ چارەكردنی كێشەكان لە عێراقدا.
لەبارەی كۆبوونەوەی سێ سەرۆكایەتییەکەی عێراق و ژمارەیەك لە سەركردە و فراكسیۆنەكانی پەرلەمانی عێراق کە لە بەغدا بەڕێوەچوو، فوئاد مەعسووم بە (كوردستان24)ی راگەیاند: "ھەندێك لە سەركردەكان بەھۆی سەفەركردن نەیانتوانی بەشداریی لە كۆبوونەوەكە بكەن، بەڵام دانیشتنێكی زۆر باش بوو".
فوئاد مەعسوم گوتیشی: "لەمەودوا كۆبوونەوەكان بە شێوەی دەوریی بەردەوام دەبن، بۆ ئەوەی ئەو كێشانەی كە ھەن چارەسەر بكرێن، ھەم ئەو كێشانەی پەیوەندیان بە نێوخۆی عێراق ھەیە و ھەمیش ئەو كێشانەی پەیوەندیان بە ھەرێمی كوردستان و ناوچەكە ھەیە، بڕیاردرا كەشوھەوایەك دروست بكرێت بۆ ئەوەی پێكەوە دابنیشن و گفتوگۆ بكەین و كێشەكان چارە بکەین".