ستراتفور بوچوونا خوه لدور ههڤپهیمانیا ئیسلامی دیار دكه
K24- هەولێر
دهزگههێ ڤهكولینێن ستراتیژی و ئاسایشێ یێ ئهمریكی كو تێ ناس كرن بـ(ستراتفور- Stratfor) بوچوونا خوه لمهر پێكئینانا ههڤپهیمانیا ئیسلامی ژ ئالیێ ولاتێ سعودیێ و پشكداریا 34 ولاتێن موسلمان دیار دكه.
دهزگههێ ڤهكولینێن ستراتیژی و ئاسایشێ یێ ئهمریكی كو ب دهزگهههك سیخوری تێ دیتن، بوچوونا خوه لمهر پێكئینانا ههڤپهیمانیا ئیسلامی بوچوونا خوه دیار دكه و دبێژه" ئهف ههڤپهیمانیه بتنێ خزمهتا چهند ئالیان دكه د پرسا سووریێ دا كو ئهوژی توركیا و ئهمهریكا نه".
زانایێن ڤی دهزگههی دیار كریه كو، ژبهر كو ئهمهریكا نهكاریه پێشكهفتنێن بهرچاف دژی رێكخراوا داعشێ بدهست ڤه بینه، دخازیت ب پشكداری كرنا چهند هێزێن دیتر ڤی كاری بكه و ل دوماهیێ ژی خوه ڤهكێشه.
ههروهها دبێژن" پێكئینانا ڤێ ههڤپهیمانێ رهواتیێ ددهته توركیا بو دهست تێوهردانێ د پرسا سووریێ دا بهرامبهر ب ئالیێن عهرهبی , ئهگهر بزانین كو توركیا ههمبهر ب دهست تێوهردانێن ئیران و رووسیا ل سووریا دا نهرهحهته، ل ههمبهر دا توركیا ههڤپهیمانیا ئیسلامی ب ههڤال و پالپشت دبینه.
دهزگههێ ستراتفورێ ئاماژه ب وێ چهندێ ژی كریه كو ئهف ههموو دهستێوهردانێن وهلاتان د كاروبارێن سووریێ دا بوویه ئهگهرا ژنافچوونا شیانان و پهیدا بوونا ئاستهنگان ههمبهری شهرێ دژی داعشێ.
سهبارهت ب دهستێوهردانێن ئیرانێ ل سووریێ،دهزگههێ ستراسفورێ ئهو چهند دیار كریه" وهكو تێ زانین تههران ههر ژ دهسپێكێ هاریكاریا حكومهتا سووریێ دكه د وارێ لهشكری دا،لهوما پهیدا بوونا هێزێن ههڤپهیمانیا ئیسلامی ب سهرپهرشتیا سعودیێ نهرهحهتیێ بو ئیرانێ پهیدا دكه, ههروهها پێشبینی دكهن كو بهرهنگاربونهك توند دناڤبهرا ههردوو ئالیان دا پهیدا ببه.
دهزگههێ هان بوووچنا خوه لمهر بهرنگاربونهڤا دناڤبهرا داعشێ ههمبهر ب ئهنقهره و یهكینهیا پاراستنا گهل(YPG) دیار كریه و ئاماژه كریه ژبهر كو چهكدارێن داعشێ نهشیاینه رێزێن خوه رێك بخهن لهوما شیانێن وانا لاواز بوینه و نهكارینه خوراگر بن ههمبهر ب ئهنقهره ژ ئالیهكی و (YPG) ژ ئالیهك دیتر.
ههروهها ئاماژه دایه وێ یهكێ كو پشكدار بوونا هێزێن عهرهبی وێ نهرهحتیێ بو(YPG) پهیدا بكه، نهخاسمه كو (YPG) پشكهكه ژ هێزێن سووریا دیموكرات كو د ڤێ دوماهیێ دا هن شهرو پێكدانان پهیدا بوون دناڤبهرا هێزێن سووریا دیموكرات و هێزێن ئوپوزسیونا سووریێ ئهوا كو ژ ئالیێ هن وهلاتێن عهرهبی مینا قهتهر و سعودیێ پشتهڤانی لێ دهێت كرن.
ههروهها زانایێن دهزگههێ هان دبێژن كو ولاتێ سعودیێ و ههڤپهیمانێن وێ دكارن هێزێن خوه ل سووریێ بهلاف بكهن لێ پرسا یهمهنێ پشت گوه دخهن.
سهبارهت پهیوهندیێن دناڤبهرا سعودیێ و ههردوو ولاتێن میسر و ئوردن دا،زانایێن ستراتفورێ ئاماژه ب وێ چهندێ كریه كو د دهمهكی دا كو دڤێ ولاتێ سعودیێ داخازا هاریكاریێ ل میسر و ئوردن بكه وهلێ میسر پشتگیریا حكومهتا سورریێ دكه ئهڤهژی ئالوزیێ دئێخه دناڤا پهیوهندیێن وێ و توركیا ده، ههروهها میسر دخوازه پهیوهندیێن خوه دگهل رووسیایێ موكم بكه كو د بهرژهوهندیا سووریایێ دایه( لدویف گوتنا ستراتفورێ).
ولاتێ ئوردن ژی دگهل ئهمهریكا و سعودیێ و قهتهرێ ههڤپهیمانه د پشتهڤانیا ئوپوزسیونا سووریێ دا و ب تایبهت ژی (ئارتیشا ئازاد)،ئوردن د سیاسهتا خوهدا ب ههستیاری بهرێ خوه ددهته هێزێن چهكدار ل سووریێ ژ ترسا وێ چهندێ كو ژ نشكهكێ ڤه حكومهتا سووریا بكهڤه و ل وی دهمێ نائارمی دێ كهڤیته دهڤهرێ و دبیته دهرفهتهك بو هێزێن توندهرو بو ئهنجامدانا هندهك كارێن تیروریستی ل ولاتێن دهوروبهرێ سووریێ.